من خلال متابعتي لحالاتي الي يتبعون نظامي الغذائي لموازنه معادن الجسم … .
لاحظت ان في شغلات تغيرت فيهم بس ما كانت من ضمن اهدافي في العلاج ..مثل الامتناع عن التدخين … وبيني وبينكم حتى ما كنت اتعب نفسي واطلب من حالاتي المدخنين انهم يتركون التدخين …لاني فاقده الامل منهم ^_^ .

بس النتائج طلعت من حيث لا احتسب 🙂 .

مرت علي ثلاث حالات لرجال مدخنين …
احدهم من اول شهر من اتباعه للنظام يقول ان قدر يترك التدخين وما عاد يحتاجه … والثاني بعد ثلاث شهور تقريبا نسى ان في شي اسمه تدخين … والاخير قالي ان قدر يسيطر على نفسه ويقعد مع ناس مدخنين ومع هذا ما يدخن معاهم ..
ما كنت مهتمه لهالموضوع بس مثل ما يقولون (الثالثه ثابته) والحاله الاخيرة خلتني اجمع كل الحالات واشوف المشترك بينهم … المشترك بالحالات ان ثلاثتهم عطيتهم نفس المكملات …وكان عندهم خلل بالمعادن الي تسبب شد اعصاب وتوتر واكتئاب ….
ارتفاع (الزنك عن النحاس) وارتفاع (الكالسيوم عن المغنيسيوم)….

بصراحه هالحالات الثلاث عطوني امل بأن في امل في الدنيا 🙂 .

المهم …
عندي سؤال للمدخنين وابي الاجابه عشان افهم الي صار عدل 🙂 .

متى تحس انك تحتاج التدخين …؟ .

وشكرا ^_^