نتيجة من الواتساب
“السلام عليكم دكتورة قررت اكتب لج سالفتي ومعاها نتيجه برنامجج .من سنتين حاشتني حاله ان صارت لي سالفه قوية وتميت افكر فيها وايد و بيوم وليله تبدل حالي لي حال طول الوقت احس اني شادة اعصابي ومتشنجه وريولي ترجف وماقدر اقعد مع الناس احس بدوخه توتر كبير مخنوقه دوامي ماقدر اروح له لاني اتم ارجف بالليل اتخيل  اشياء واخاف وانام وانا ارجف من التوتر وصدمتي بحالتي ووضعي وجهلي للي يصير زادتي كأبه ان شفيني شسالفه ليش جذي . طبعا على طول امسكوني ناس قالولي مسحورة وممسوسه وروحي حق شيخ ورحت وقرا علي 5 مرات مع زيت وعسل وتميت على برنامج شهرين وحالتي تسوء وكأبه وافكار جدا جدا سلبيه . قررت اتجهه حق الاماكن النفسيه ومن ثم المستشفيات . المستشفيات قالولي يمكن ام اس يمكن التهابات يمكن اذونج يمكن دمج . لكن مالي علاج لانه مجرد اشتباه فقط . طيب والدوخه والشد والتوتر والخوف من الناس ابي له علاج بس ماحصلت وقتها قالي دكتور بالهادي :يابنتي انتي راح ترجعين لي وتاخذين حبوب الاكتأب انا انصدمت من كلامه ليش جذي يقولي! . اتجهت للاماكن النفسيه اللي تعالج بكل الطرق سواء ايحاءات بالاحجار بتقنيه الحريه النفسيه الeft tft تأملات خفيت ولكن بنسبه 30%فقط الاعراض موجودة وتييني بين فتره وفتره لما شفت اكاونتج وخذيت موعد على  طول وسويت التحليل وقلتيلي عندج زنك عالي فيج اكتأب؟ قلت لج اي ..طبعا وكالسيوم عالي والنقص بالباقي اتبعت برنامجج من 5 شهور مع العلم بهال5 شهور وللامانه ماكنت ملتزومه100%يعني كليت جبن يمكن مرتين ودجاج مره كانو عن خاطري ساعات بالغلط اطلب شي يكون في فلفل واكله ساعات اشرب قهوة فيها حليب  لكن النتيجه اقدر اقولج الحين ان حياتي رجعت لي مثل اول دوامي ملتزمه فيه وبكل نششاط وبكل كشختي وراحتي وثقتي  الخوف من الناس راح صرت اهداااا حيل شخصيتي تغيرت احس صارت فيني انوثه شوي الافكار الجنسيه راحت مني والسلبيه خفت بنسبه 70% بالنهايه احنا بشر والافكار تيينا لكن خفت حيييييييييل شي مايذكر يعني ومناعي صارت اقوى حيل حيل . بشرتي صارت احلى نومي مريييح دورتي خف اللمها .الدوخه راحت ولازلت مستمره لاني ناطره نتائج اكثر وااكثر باذن الله يارب افيد بهالتجربه ناس محتاجه والله يضيق خلقي لمااشوف ناس تتريق وتتغدا ووتعشى من برا احس داخلهم كومه ضياع مو حاسين فيها .. الله يوفقج حبيبتي ويسعدج الفضل لله سبحان اللي دلاني عليج ثم لج ولمساعدتج وطولة بالج”